Все про озеро Сайсары

rainbow

Среда, 29 Ноябрь 2017 16:39

Сайсары күөлүн тула араас санаалар

  Бу күннэргэ,Сайсары күөлү түла түпсарыы үлэлэрэ барыахтааҕынан сибээстээн, куорат уопсастыбаннaha ырытыһыыга көхтөөхтүк кыттыһар. Ол курдук, алтынньы 25 күнүгэр техническэй факультеттар корпустарыгар «Формирование современной городской среды на территории городского округа «город Якутск» на 2018-2022 годы» муниципальнай бырагыраамаҕа олоҕуран, "Дьокуускай куоракка Сай­сары күөлүи тупсарыы" бырайыактыыр семинар буолам ааста.

   Көрсүһүүну Дьокуускай куорат кылаабынай архитекто­ра Ирина Алексеева салайан ыытта, "Стрелка" Москватааҕы конструкторскай бюро специ-алистара Наталья Маковецкая, Петр Миронеико, Мария Ного­вицына анаан-минээн кэлэн кытыннылар.

   Сайсары күөл тулатын ди­зайн-бырайыагын техническэй соругу быһаарсыыга куорат көхтөөх олохтоохторо эмиэ ыҥырыллыбыттара. Кинилэр ортолоругар норуот дьокутаата Владимир Федоров, "Социаль­ная справедливость" ОНФ Саха сиринээҕи салайааччыта Александр Жураковскай кэллиэгэлэрин кытта, ыт иитээччилэр уопсастыбаларын бэрэстэбиитэлэ Татьяна Полятинская, Доруобуйа харысгабылын министиэристибэтин, M.K. Ammocob аатынан ХИФУ, "Триумф" спорт-комлекс, "Юность" стадион бэрэстэбиитэллэрэ уоннада атыттар кытыннылар.

   «Стрелка» конструкторскай бюро – РФ Тутууга, ОДьКХ-5а министиэристибэлэрин кытта, АИЖК-ны сэргэ дойдубут араас куораттарыгар уопсай эйгэлэрин бырайыактыырга үлэлэһэр тэрилтэ. Бырагыраамаларыгар Дьокуускайы быйыл киллэрдилэр. Сайсары күөл территорията өрөспүүбүлүкэтин 100 сылын көрсө манна Евразия норуоттарын эпостарын Киинэ тутуллара былааннанар. Онон бу бырагыраамаҕа хабыллыбыппыт олус учугэй. Сайсары күөл - куорак­ка уонна бүттүүн өрөспүүбүлүкэҕэ ураты историческай суолталаах сир. Дизайн-бырайыак туох баар киирбит этиилэри барытын учуоттаан туран, сыл бүтүөр дылы оҥоһуллан бүтүөхтээх, - диэн Ирина Алексеева кэпсээтэ.

   "Биһиги бырагыраамабыт Арассыыйа 40 куоратыгар 2016 сыл алтынньытыттан саҕаламмыта. Дьокуускай 2017 сыл атырадьах ыйыгар кыттыста. Биhиэхэ олохтоохтар санаалара урдук суолталаах, тоҕо диэтэххэ, биһиги кинилэр олорор сирдэрин тупсарабыт", - диэн КБ "Стрел­ка" специалиһа Наталья Мако­вецкая тоһоҕолоон бэлиэтээтэ.

  Кини иhитиннэрбитинэн, бастакы дааннайдары номнуо экспертэр: экологтар, геологтар, дендрологтар, гидрологтар, историктар, М.К.Аммосов аатынан ХИФУ бэрэстэбиитэллэрэ, Ирбэт тоҥу уөрэтэр институт учуонайдара, транспорт, архитектура эйгэтин үлэһиттэрэ, 93, 94-үс кыбаарталлары тутааччыллар үөрэппиттэр. Бырайыага оҥорооччулар өрөспүүбүлүкэ баһылыгын сүбэһиттэрин, «Евразия эпостарын Киинэ» бырайыак кураторын Андрей Борисовы, Лермонтов аат.уул. 115, 117, 119 дьиэтин олохтоохторун (кинилэр дьиэлэрин тиэргэнэ Эпостар кииннэрин сиригэр хабыллар) кытта к6рс6н кэпсэппиттэр.

  “Бу олоххо киириэхтээх бырайыак 4 уопсастыбаннай эйгэни илдьэ сылдьар: Ийэ болуоссата, Лермонтов аат, уулусса, Сайсары күөл кытыла уонна дьон олорор тиэргэннэрэ. Биллэн туиар, эт­нос, климат, экология, Дьокуускай архитектуратын угэстэрэ, ону тэҥэ, транспорт сырыытыгар куттал суох буолуута - барыта кытаанахтык учуоттаныахтара. Сүрүн болҕомто айылҕаа туругун бөҕөргөтүүгэ, дьон сынньанар сирин тэрийиигэ ууруллуоҕа. Ол аата күөл таһыгар сынньалаҥҥа, спордунан дьарыктаныыга, маассабай тэрээһиннэри ыытыыга анаммыт сирдэр туһунан тутуллуохтара", - диэн Петр Мироненка билиһиннэрдэ. Бастакы былааннары, барыллаан оҥорон көрүүлэри кини билиһиннэрдэ.

   Кыратык ырытыһа түһэн баран, көрсүһүү кыттыылаахтара икки үлэлиир бөлөххө хайдыһан, этиилэри уон­на соруктары түмтүлэр, түмүккэ онтукалдрык дьоҥҥо иhитинниэрдилэр. Саха сирин климата сайыҥҥы уон­на кыһыҥҥы сынньалаҥы  тэрийиигэ барсарын, ону ту7аныахха наадатын туһунан этиилэр киирдилэр. Кыһынын күөл аллараа тардыытыгар каток, түһүүлээх-тахсыылаах хайыһар суола, дьон сылаас киллэринэр, иттэн ылар па­кивильоннардаах, сайынын - бассейн, куһу-хааһы иитиини, тыы станциятын тэрийиини, ahaҕae халлааи анныгар ки­нотеатр, сүүрүүнэн дьарыкттанааччыларга анал суол, бэлэсипиэтсуола уонна да атын араас этиилэр иһилиннилэр. Ол быыһыгар, биллэн турар, күөлү ыраастааһын, устар киэлитин тупсарыы, биэрэгин бөҕөргөтүү  боппуруостара сытыытык көтөҕүлүннүлэр.

 

Балаһаны бэлэмнээтэ Розалия ТОМСКАЯ

//Киин Куорат. -2017. –Сэтинньи 2 күнэ. – С. 5

 


 

2019 theater