Все про озеро Сайсары

rainbow

Пятница, 17 Февраль 2017 16:42

Дъөгуөр Түбэ "Сайсары сириэдийэр"

Сиккиэр тыалтан чэрэйэ,

Симиктэтэ сэгэйэ,

Байбаралыы лаглайа

Суугунас хатыҥ чараҥ

Сайсары тула эбитэ... 

 

Дьаарыстаммыт, кэккэлээбит,

Дьылыгырас сураадыйбыт,

Саарба өһгө толбоннонор

Сирдык, ыраас бэс чагда —

Сайсары тула эбитэ...

Кэтэһиилээх кэрэ сааска

Кэҕийбэхтиир кэҕэлээх,

Дыргыл сыттаах мутукчалаах,

Тиит толуу мастаах тыа

Сайсары тула эбитэ...

Кыталыктар кырыымпалаан,

Гуруйалар турууктаһан

Лыгыыр көтөр хонор-өрүүр,

Чардаат сиҥнэр собо-мунду —

Сайсары тула эбитэ...

Саһарҕаттан саһарҕаҕа

Алаас нөнуө маҕыраһан,

Атыыр кистээн дьириһитэн,

Сыспай сиэллээх, ураа муостаах

Сайсары тула эбитэ...

Куһаҕан тылы, куһаҕаны

Кулгаах адьас истибэтэх,

Кэскил эрэ туһа диэн

Куруук үөрэр дьон бэрдэ —

Сайсары тула эбитэ...

Уруурҕаһыы, ыалдьыттаһыы,

Оһуохайдаан дыгый көтүү,

Олоҥхонон быһаарсыы

Омоллооннуу олохтоохтор —

Сайсары тула эбитэ...

Аатын-суолун үйэлэттэрбит,

Эдэр сааһын эргиттэрбит,

Эдэр ыччатын элбэттэрбит

Сайсары Хотун Эбээбит

Сайсары тула олорбута.

//Саха Сирэ. - 2004. - 25 июня

2019 theater