Все про озеро Сайсары

rainbow

Пятница, 17 Февраль 2017 16:44

Николай Петров "Сайсары ыһыаҕа"

Саһыл   саарба

кыбытыылаах

Сарыы,   түнэ   таҥастаах

Саха   аймах   мунньустан,

Саргы,   уйгу  тардыспыт

Сайсарыбыт   кытылын  

 

Сандалыйар   саалыгар

Күөрэгэйдээх   Күэрээйи

Күндэлийэр   күөнүгэр

Илгэ  ыһыах   тэриллэн,

Эһиэкэйбит   эргийдэ,       

Эҥэзрийэ   дьиэрэйдэ,

Аптаах  саха  тылынан

Алгыс   баһа   салалынна.

Тахсар   күнүм чаҕыла

Тапталлаахтык    тайанан,

Оруобуна   туһаайан

Устатынан   угуттуур

Улуу  Дьылҕа   анаабыт

Унаар   дэхси   хонуутугар

Улуу   ыһыах   оонньонон,

Оһуокайбыт   дуорайда,

Урааҥхайдыы   тойугунан

Уруй-айхал   этилиннэ.

Үрдүк,   сырдык  аналлаах

Үрүҥ  Айыы   итэҕэлин

Өрө  тутан тэниппит

Эллэй   эһэбит саҕаттан

Эгэлгэтэ   кэҥээбит

Ытык   ыһыах   ыһыллан,

Ыччат   дьону  арчылаан

Кутун-сүрүн   холбоото.

Хойуккутун   даҕаны

Сахалыы   үгэс  саманна

Сайда-үүнэ   туруоҕа,

Санаа,   дууһа   өттүнэн

Саханы   саха   гыныаҕа,

Саргыбытын   салайыаҕа,

Кэскилбитин   кэҥэтиэҕэ.

// Ленин суола. – 1992. – олунньу 29к. – С.4

2019 theater